بی آر ڈی ہسپتال سے ڈاکٹر کفیل خان نوکری سے برطرف

اترپردیش میں گورکھپور کے بی آر ڈی میڈیکل کالج میں آکسیجن کی کمی سے ہوئے بچوں کے موت کے معاملے میں آج ڈاکٹر کفیل خان کو برطرف کر دیا گیا۔ 'یو پی پی ایس سی' نے ڈاکٹر کفیل کی برطرفی پر مہر لگا دی ہے۔

لکھنؤ: گورکھپور کے بابا راگھو داؤ (بی آر ڈی) میڈیکل کالج میں آکسیجن کی کمی سے بچوں کے ہوئے موت کے معاملے میں یوپی حکومت نے ڈاکٹر کفیل خان پر بڑی کارروائی کرتے ہوئے نوکری سے برطرف کردیا ہے۔

وہیں 'یو پی پی ایس سی' UPPSC نے ڈاکٹر کفیل کی برطرفی کو منظوری دے دی ہے ۔ جس کے بعد اب محکمہ میڈیکل ایجوکیشن نے بھی برطرفی کے احکامات جاری کردیے ہیں۔

واضح رہے کہ اگست 2017 میں گورکھپور کے بی آر ڈی میڈیکل کالج میں آکسیجن کی کمی کی وجہ سے تقریبا 60 سے زیادہ بچوں کی موت ہو گئی تھی۔

اس معاملے میں ڈاکٹر کفیل خان کو ہسپتال سے معطل کر دیا گیا تھا۔ اور ایک کمیٹی ان کے خلاف الزامات کی تحقیقات کر رہی تھی اور اب میڈیکل ایجوکیشن ڈیپارٹمنٹ نے بڑی کارروائی کرتے ہوئے ڈاکٹر کفیل خان کو برطرف کر دیا ہے۔