ریاست اترپردیش کے امروہہ ضلع کے گجرولا پولیس اسٹیشن کے گاؤں محمد آباد میں پولیس محکمہ میں دوہرے قتل کی اطلاع پر سنسنی پھیل گئی ہے۔ شراب کے ٹھیکے کے قریب، دو نوجوان کچھ ہی فاصلے پر مختلف مقامات پر کھیت میں مردہ حالت میں پائے گئے، جس کے بعد اس علاقے میں سنسنی پھیل گئی۔
مقامی شخص ارکان نے بتایا کہ یہ رات کا واقعہ ہے جب کی پولیس کو اطلاع بہت دیر بعد ملی۔ ان نوجوانوں کا نام سفیان ولد نصرالدین ساکن محمد آباد ہے اور دوسرا نام رام نیواس عرف ڈابو ولد بال کرن سنگھ ساکن گاؤں قصام آباد ہے۔
اس پورے معاملے میں، ہلاک شخص رامنیواس کے والد نے بتایا کہ ان لوگوں کا 2 دن قبل شراب کی دکان کے مالک سلطان سے جھگڑا ہوا تھا۔ سلطان نے جان سے مارنے کی دھمکی دی تھی، اس سارے معاملے میں اُنہونے کہا کہ مجھے شک ہے کہ سلطان نے دونوں کو مار ڈالا ہوگا۔
معاملے کی اطلاع ملنے کے بعد پولیس ٹیم کے ساتھ سپرنٹنڈنٹ پولیس سنیتی موقع پر پہنچی اور انہوں نے لاشوں کو قبضہ میں لیکر پوسٹ مارٹم کے لئے بھیج دیا۔
مزید پڑھیں:
امروہہ میں غیر قانونی اسلحہ کے ساتھ دو افراد گرفتار
ایس پی سنیتی نے بتایا کہ اس پورے معاملے کی جانچ کی جائیں گی، الزام کی بنیاد پر قانونی کارروائی کی جائے گی اور جلد ہی ملزمین کو گرفتار کر لیا جائے گا۔
