گوتم بدھ نگر نوئیڈا کے ڈی ایم سہاس ایل وائی نے ضلع کی صدر تحصیل کے گاؤں حبیب پور اور ملک پور کا دورہ کیا۔
اس موقع پر انہوں نے کورونا کے حوالے سے اینٹیجن ٹیسٹنگ کیمپ کا معائنہ کیا۔ ٹیسٹنگ کیمپ میں کام کرنے والے افسران اور عملہ کو ہدایت دی کہ گاؤں میں وسیع پیمانے پر تشہیر یقینی بنائی جائے، متاثرہ تمام افراد کا کورونا ٹیسٹ کیا جائے، نیز انہیں فوری طور پر میڈیکل کٹ فراہم کی جائے۔
انہوں نے یہ بھی کہا کہ اگر کسی فرد کو اسپتال میں علاج کی ضرورت ہو تو وہ انٹیگریٹڈ کنٹرول روم سے فوری رابطہ قائم کریں تاکہ اس کا علاج اسپتال میں پروٹوکول کے مطابق ہوسکے۔
اس موقع پر ڈسٹرکٹ مجسٹریٹ نے کہا کہ انفیکشن سے بچنے میں گاؤں کے سبھی لوگوں کا بھی اہم کردار ہے۔ لہذا، تمام لوگ اپنی روزمرہ کی زندگی میں سینٹایز کا خیال رکھیں۔
انہوں نے لوگوں سے کہا کہ اگر ضروری ہو تبھی گھر سے باہر نکلیں اور گھر سے نکلتے وقت عوامی مقامات پر ماسک اور معاشرتی فاصلے پر عمل کریں۔ اپنے کنبے کو کورونا وائرس کے انفیکشن سے محفوظ رکھیں۔ اس موقع پر، ڈسٹرکٹ مجسٹریٹ نے مانیٹرنگ کمیٹی کے اراکین سے کہا کہ وہ دیہی علاقوں میں کورونا کے انفیکشن کی روک تھام میں فعال کردار ادا کریں۔
دیہی علاقوں میں کورونا سے ہونے والی اموات سے حکومت اور انتظامیہ کے ہاتھ پیر پھول گئے تھے۔ اب بار بار دورہ کر کے اس کو مینج کرنے کی کوشش کی جارہی ہے۔
