مظفر نگر: ریاست اتر پردیش کے مظفر نگر ضلع کی پوکسو عدالت نے جمعہ کو راشٹریہ لوک دل کے ضلع پنچایت ممبر ارشاد کو 30 سال کی سخت قید کی سزا سنائی۔ تھانہ سول لائن کے علاقہ کی رہائشی نوجوان خاتون نے پانچ سال قبل مقدمہ درج کرایا تھا۔ متاثرہ کے مطابق ساوٹو گاؤں کے رہنے والے محمد ارشاد نے اسے کوتوالی علاقے کے محلہ جامعہ نگر میں اپنے گھر بلایا۔ جہاں وہ اپنی بہن کے ساتھ اس سے ملنے پہنچ گئی۔ جہاں ضلع پنچایت ممبر نے مقدمہ ختم کرنے کا لالچ دے کر اس کے ساتھ جنسی زیادتی کی۔ پوکسو کورٹ کے جج رتیش سچدیوا کی عدالت میں کیس کی سماعت ہوئی اور عدالت نے دونوں فریقین کے دلائل سنے۔ جس کے بعد ارشاد کو مجرم قرار دیتے ہوئے 30 سال قید کی سزا سنائی گئی۔
وہیں مظفر نگر کی عدالت نے 3 ماہ کی بچی کے قتل کی سماعت کرتے ہوئے باپ کو قصوروار قرار دیتے ہوئے عمر قید کی سزا سنائی۔ قابل ذکر بات یہ ہے کہ 23 سال قبل چکروڈ کاٹنے پر دو فریقین کے درمیان لڑائی کے بعد کئی لوگ زخمی ہوئے تھے۔ اس جھگڑے کے بعد باپ نے کراس کیس بنانے کے لیے معصوم بچی کو قتل کر دیا۔ بتادیں کہ گاؤں نالہ ضلع شاملی کے رہنے والے پرکاش چند نے الزام لگایا تھا کہ دوسری طرف کے کسان ان کے کھیت کے راستے میں چکروڈ کاٹ رہے ہیں۔ ساتھ ہی اس معاملے میں تحصیلدار کے حکم کے بعد بھی 22 ستمبر 2000 کو کھیت پر دونوں طرف کے لوگوں کے درمیان لڑائی ہوئی تھی۔
یہ بھی پڑھیں: Twenty Years Imprisonment For Rape نابالغ سے زیادتی کے معاملے میں ملزم کو بیس سال قید کی سزا
پولیس نے دونوں مقدمات درج کرکے تفتیش کی تھی اور عدالت میں چارج شیٹ پیش کی تھی۔ ایڈیشنل ڈسٹرکٹ اینڈ سیشن جج کورٹ 14 کی جج ریما ملہوترا نے کیس کی سماعت کی۔ جج نے کہا کہ کراس کیس بنانے کے لیے گاؤں نالہ کے رہنے والے اوم ویر نے اپنی تین ماہ کی بیٹی کو گولی مار کر قتل کر دیا اور مخالف کے تین لوگوں کو ملزم بنایا۔ مجرم باپ اوم ویر کو عمر قید کی سزا کے ساتھ 30 ہزار روپے جرمانہ بھی عائد کیا گیا ہے۔ دوسری جانب راجویر، پردیپ، یوگیندر، راجویری اور گیتا کو حملہ کے الزام میں ایک سال قید کی سزا سنائی گئی ہے۔ دوسرے کیس میں اوپیندر پروین اور مکیش کو بھی ایک ایک سال قید کی سزا سنائی گئی ہے۔
