دراصل محکمہ سماجی بہبود ڈائریکٹریٹ کی جانب سے آن لائن فارم کریکشن کا تیسرا موقع او بی سی طلبا کو نہیں دیا گیا ہے جبکہ یہ موقع صرف جنرل اور ایس سی، ایس ٹی طلبا کو فراہم کیا گیا ہے جس کی وجہ سے او بی سی طلبا میں کافی مایوسی ہے۔
بارہ بنکی: او بی سی طلبا میں مایوسی
آن لائن فارم کریکشن کے تیسرے موقع کے لیے اب او بی سی طلبا دفتروں کی خاک چھان رہے ہیں۔ اسی سلسلہ میں دو شنبہ کو تقریباً آدھا درجن طلبا نے ڈی ایم دفتر میں اس معاملے کی شکایت کی اور اپنے فارم میں کریکشن کے لیے ویب سائٹ کو کھولے جانے کا مطالبہ کیا۔
طلبا کے مطابق، وہ اس کی شکایت محکمہ سماجی بہبود دفتر میں بھی کر چکے ہیں۔ وہاں انہیں بتایا گیا ہے کہ بجٹ کم ہونے کی وجہ سے انہیں دوسرا موقع نہیں دیا جا رہا ہے۔ فی الحال او بی سی طلبا کا فارم رجیکٹ کر دیا گیا ہے۔
