ریاست اتر پردیش میں دہشت گردی کی سازش کے نتیجے میں دارالحکومت لکھنؤ سے پکڑے گئے القاعدہ کے عسکریت پسندوں کے بارے میں تفتیش جاری ہے۔ یوپی اے ٹی ایس کو ایک عسکریت پسند کے پاس سے ملی 'بلیک ڈائری' میں بہت سے خفیہ کوڈ حاصل ہوئے ہیں۔
اس بلیک ڈائری میں حملے میں استعمال ہونے والی اشیاء جیسے پریشر کوکر بم، ای رکشہ، پستول اور منصوبہ بندی کے متعدد الفاظ کو خفیہ کوڈ دیا گیا تھا۔
یہ بھی پڑھیں: لکھنؤ: مشتبہ عسکریت پسندوں کی گرفتاری معاملے میں اے ٹی ایس کا نیا انکشاف
اے ڈی جی لاء اینڈ آرڈر پرشانت کمار کے افسران کے مطابق، 'بلیک ڈائری' کے ہر صفحے پر خفیہ کوڈ کے مختلف الفاظ لکھے گئے ہیں۔ اے ٹی ایس افسران خفیہ کوڈ لفظ کے بارے میں ملزم سے پوچھ گچھ کررہی ہے۔
