بلاک دفتر میں میونسپل بورڈ کے سبکدوش ملازم غلام صابر ولد اللہ بند ، نصیر ولد بشیر احمد اور اسلام الدین ولدشبیر نے ایس ڈی ایم کو عدالتی حکم نامہ دکھاتے ہوئے کہا کہ ڈیڑھ سال گزرنے کے باوجود بھی دیوبند نگر پالیکا پریشد ان کے ریٹائرمنٹ کے بعد ملنے والے بقایہ ادا نہیں کررہی ہے۔
انہوں نے عدالت کے احکامات کے خلاف وزری کا الزام عائد کرتے ہوئے کہا کہ کمیشن کے لالچ کی وجہ سے ان کی ادائیگی روک دی گئی ہے، جس کی وجہ سے ریٹائرمنٹ کے بعد ان کی مالی حالت خراب ہوتی جارہی ہے۔
انہوں بتایا کہ سبکدوش ملازمین کو دینے کے لیے حکومت کی طرف سے ہر ماہ ایک کروڑ 27 لاکھ روپئے آرہے ہیں اور روزانہ لاکھوں روپے ٹیکس وصول کیا جارہا ہے۔
انہوں نے یوم سمادھان کے موقع پر بتایا کہ 5 اگست کو ای او نے سبکدوش ملازمین کو ہر ماہ 15 لاکھ روپیہ کی ادائیگی کی یقین دہانی کرائی تھی ، لیکن معاہدے کے بعد بھی کمیشن کا مطالبہ کو پورا نہ ہونے کی وجہ سے انہیں ان کے بقایہ، پینشن اور فنڈ کی ادائیگی نہیں کی جارہی ہے۔
انہوں نے ایس ڈی ایم سے بقایہ کی ادائیگی کرانے کامطالبہ کرتے ہوئے کہاکہ ان کا بقایہ فنڈ اور پینشن نہ ملنے کے سبب ان کی مالی حالت خستہ ہورہی ہے ،اس کے باوجود بھی ای او کی طرف سے ان کے بقایہ کی ادائیگی نہیں کی جارہی ہے ۔
