بتایا جا رہا ہے کہ بدلتے موسم نے اپنا قہر ڈھانا شروع کر دیا ہے کیونکہ جہاں ایک طرف تیز دھوپ نے لوگوں کا جینا محال کر دیا ہے۔ وہیں دوسری جانب آسمانی بجلی گرنے سے لوگوں کی جانیں جا رہی ہیں۔
دیوبند کے قریبی گاؤں لبکری میں آسمانی بجلی گرنے سے ایک 11 سالہ بچے کی موت واقع ہوگئی جس کے بعد اہل خانہ میں کہرام مچ گیا۔ ہلاک شدہ بچے کے چچا نے بتایا کہ بچہ گھر کے پاس ہی کھڑا تھا کہ اچانک آسمانی بجلی گرنے سے وہ اس کی زد میں آگیا۔ بچہ کو فورا اسپتال لے جایا گیا جہاں ڈاکٹروں نے اسے مردہ قرار دے دیا۔
دوسری جانب گزشتہ شب تیز ہواؤں کے ساتھ ہوئی بارش سے جہاں ایک طرف لوگوں کو گرمی سے نجات ملی ہے تو وہیں دوسری جانب محلہ پٹھان پورہ کے لام علاقہ میں آسمانی بجلی گرنے سے درجنوں مکانات کو نقصان پہنچا ہے اور لاکھوں روپیہ کا نقصان بھی ہوا ہے۔
اس سلسلے میں ڈاکٹر کا کہنا ہے کہ دیوبند کے قریبی گاؤں لبکری کے ایک بچے کو اسپتال میں داخل کرایا گیا تھا جسکی عمر تقریبا 11 سال بتائ جارہی ہے لاش پوسٹ مارٹم کے لئے بھیج دیا گیا ہے۔
