ان انتقال پر وزیر اعظم نریندر مودی، جموں و کشمیر کے لیفٹیننٹ گورنر منوج سنہا سمیت دیگر سینیئر رہنماؤں نے خراج عقیدت پیش کیا۔
وہیں وزیر دفاع راجناتھ سنگھ نے ٹوئٹ کرتے ہوئے مولانا کلب صادق کو خراج عقیدت پیش کیا۔
انہوں نے لکھا کہ ' بھارت کے معروف شیعہ عالم دین مولانا کلب صادق کی موت کی خبر سن کر بہت دکھ ہوا، وہ آل انڈیا مسلم پرسنل لاء بورڈ کے نائب صدر رہے، اور ہمیشہ سماج میں بھائی چارہ کو مضبوط کرنے پر زور دیا، وہ ایک عظیم شخصیت تھے، میں ان کے اہلخانہ اور چاہنے والوں سے اظہار تعزیت پیش کرتا ہوں'۔
واضح رہے کہ معروف شیعہ عالم دین مولانا کلب صادق لمبے عرصے سے زیر علاج تھے، جس کے چلتے وہ ہسپتال میں ہی رہتے تھے۔ کچھ روز قبل مولانا کلب صادق کی طبیعت مزید خراب ہوگئی تھی، جس کے بعد گذشتہ رات ان کا انتقال ہو گیا۔
