اترپردیش مدرسہ تعلیمی بورڈ امتحانات کے نتائج بھی یو پی ایجوکیشن بورڈ کے طرز پر جاری کئے جائیں گے۔ اس ضمن میں اترپردیش کے ہر ضلع سے رپورٹ طلب کی گئی ہے۔ اقلیتی فلاح و بہبود آفیسر مئو کے مطابق انٹرمیڈیٹ لیول تک کے درجات کی تفصیل اترپردیش مدرسہ تعلیمی بورڈ کی جانب سے منگائی گئی ہے۔
وہیں مئو کے عربیہ مدارس میں زیرتعلیم طلبا کی تفصیل بھیجی جا رہی ہے۔ اقلیتی فلاح و بہبود آفیسر نے بتایاکہ انٹرمیڈیٹ سے اعلی درجات کے لیے آن لائن امتحان کی تیاری کی جارہی ہے۔ اس سلسلے میں حکومت کی گائیڈ لائن کا انتظار ہے۔
یہ بھی پڑھیں:: مظفرنگر: کورونا ویکسینیشن کا دوسرا کیمپ منعقد
واضح رہے کہ انٹرمیڈئیٹ ایجوکیشن بورڈ میں اس سال کرونا وبا کے خطرے کے مدنظر احتیاطاً بورڈ امتحانات منعقد نہیں کئے گئے۔ سال 2021 میں ہائی اسکول اور انٹرمیڈیٹ کے امتحان میں شامل ہونے والے امیدواروں کو پروموٹ کر دیا گیا ہے۔
