ریاست اترپردیش میں ضلع بہرائچ کے گاؤں لکشمن پور مٹیہی میں شمس الدین نامی ایک 15 سالہ لڑکے کی بجلی کی زد میں آنے سے موت ہوگئی۔
ذرائع کے مطابق شمس الدین اپنی گھوڑی کو روڈ کے کنارے چرا رہا تھا اس دوران گھوڑی بھاگنے لگی، شمش الدین اسے پکڑنے کے لئے پیچھے دوڑا تبھی بجلی کے کھمبے پر لٹک رہا تار کے زد میں آ گیا اور اس ک موقع پر ہی اس کی موت ہو گئی۔
مقامی لوگوں کے مطابق 11000 لائن کا تار لمبے عرصے ٹوٹا پڑا تھا جس کی اطلاع محکمہ بجلی کو دی گئی تھی لیکن اطلاع ہونے کے باوجود بھی اس کی مرمت نہیں کرائی گئی تھی۔جو شمس الدین کے موت کی وجہ بنی۔
مقتول کے والد سیفو کی اطلاع پر نانپارہ پولیس موقع پر پہنچی اور لاش کو قبضہ میں لے کر پوسٹ مارٹم کے لئے بہرائچ روانہ کر دیا۔
