وارانسی: کورونا وائرس کے پیش نظر چارعلاقوں میں کرفیو نافذ

اترپردیش کے شہر وارانسی میں کورونا وائرس سے متاثر ایک شخص کی موت اور دو دن میں 4 نئے کیسز سامنے آنے کے بعد ضلع انتظامیہ نے چار علاقوں میں کرفیو نافذ کر دیا ہے۔

ریاست اترپردیش کے ضلع وارانسی کے روہنیا کے گنگاپور کے بھول پور سمیت مدن پورہ اور لوہتا میں کرفیو نافذ کر دیا گیا ہے۔ اس کی تصدیق ضلع مجسٹریٹ کول راج شرما نے کی ہے۔

وارانسی میں کورونا وائرس کے پیش نظر چار علاقوں میں کرفیو نافذ

واضح رہے کہ وارانسی میں دو دن میں 4 نئے کیسز سامنے آئے ہیں۔ کورونا وائرس سے ایک شخص کی موت بھی ہو چکی ہے۔ اس کے پیش نظر ضلع انتظامیہ نے سخت ایکشن لیتے ہوئے چار علاقوں میں کرفیو نافذ کیا ہے اور سبھی کو گھروں میں رہنے کی ہدایت دی ہے۔