عالمی شہرت یافتہ کرکٹ کھلاڑی کلدیپ یادو جنہیں چائنا مین بالر کے نام سے جانا جاتا ہے، نے آج کانپور میں غریبوں میں راشن کے کِٹ تقسیم کیے۔
اترپردیش کا کانپور کورونا وائرس سے سب سے زیادہ متاثر ہے یہاں کے تقریبا 22 علاقے ایسے ہیں جو ہاٹ اسپاٹ متعین کیے گئے ہیں جہاں صرف ضروری چیزیں ہی آ جا سکتی ہیں۔ کسی کو بھی اس علاقے سے نکلنے کی اجازت نہیں ہے اور نہ ہی اس علاقے میں داخل ہونے کی۔
ایسے میں ان علاقوں میں بسنے والے تمام غریبوں کو یا تو حکومت کی طرف سے مدد پہنچ رہی ہے یا پھر سماجی خدمت گار تنظیمیں ان کی ضرورتوں کو پورا کر رہی ہیں۔
وہیں کانپور کے رہنے والے عالمی شہرت یافتہ کرکٹ بالر جو چائنا مین کے نام سے جانے جاتے ہیں، نے آج اپنے ہاتھوں سے غریبوں میں راشن کے کِٹس تقسیم کیے۔ حالانکہ ان کے ساتھ کافی لوگ موجود تھے لیکن کلدیپ یادو ازخود اس کام میں دلچسپی لے رہے تھے۔
لوگوں نے کلدیپ یادو کے اس کام کی خوب ستائش ہے۔
