ریاست اترپردیش کے ضلع گوتم بدھ نگر کے نوئیڈا میں کورونا سے ٹھیک ہونے والے مریضوں کی تعداد میں تیزی اضافہ ہوا ہے، یہاں کورونا سے صحتیابی کی شرح 99 فیصد سے زیادہ ہو گئی ہے۔
گزشتہ 24 گھنٹوں کے دوران کورونا کے چار نئے مریضوں کی شناخت ہوئی ہے، تو دوسری جانب 40 مریض صحت یاب بھی ہوئے ہیں، اب بھی ضلع میں 165 مریضوں کا مختلف اسپتالوں میں علاج جاری ہے۔
کووڈ اسپتالوں اور گھریلو قرنطین سے اب تک مجموعی طور پر 25 ہزار 15 مریض صحتیاب ہو چکے ہیں، علاج کے دوران کورونا انفیکشن سے 91 مریض فوت بھی ہوئے ہیں۔ جنوری میں فعال مریضوں کی تعداد میں مستقل کمی آرہی ہے۔
فعال مریضوں کے لحاظ سے یہ ضلع ریاست میں 11 ویں نمبر پر ہے۔ اب مریضوں کی مجموعی تعداد 25 ہزار 271 ہوگئی ہے۔ ضلع کی صحتیابی کی شرح قریب 99 فیصد تک جا پہنچی ہے۔
حکومتی سطح پر پیر کو منعقد ہونے والے ٹیکہ کاری پروگرام کو منسوخ کر دیا گیا ہے، اب ٹیکہ کاری پروگرام جمعہ کے روز یعنی 22 جنوری کو 82 مراکز ہوں گے جن میں 8200 کارکنان کو ٹیکے لگائے جائیں گے ۔ محکمہ صحت کے عہدیداروں کو ابھی تعداد کے بارے میں تفصیلات موصول نہیں ہوئی ہیں، یہ ٹیکے صبح 9 بجے سے شام 5 بجے تک لگائی لگائی جائیں گی۔
واضح ہو کہ نوئیڈا میں میں پیر کو ٹیکے لگائے جانے تھے، لیکن دیر رات تک کوئی حکم نامہ جاری نہ ہونے سے تیاری نہیں کی جاسکی۔ ایسی صورتحال میں پیر کو ہونے والا پروگرام منسوخ کردیا گیا۔
محکمہ صحت کے عہدیداران کے مطابق پہلے مرحلے میں 30 مراکز میں 75 مراکز قائم کیے گئے تھے، جبکہ اس کی تعد بڑھا کر 82 کردی گئی ہے۔ ابھی تک یہ طے نہیں ہے کہ یہ ویکسین تمام مراکز پر لگائی جائیں گی، یا نہیں۔
