اترپردیش کےمیرٹھ میں چودھری چرن سنگھ یونیورسٹی کے کانووکیشن میں شرکت کرنے پہنچے نائب وزیر اعلی ڈاکٹر دنیش شرما نے یونیورسٹی کے تمام ٹاپر طلبہ کو میڈل تقسیم کیےاور ممتاز طلبا کو ایوارڈ سے نوازا۔ اس موقع پرانھوں نے ایوارڈ حاصل کرنے والے طلبہ میں طالبات کی تعداد خاطرخواہ ہونے پر خوشی کا اظہار کیا۔
میرٹھ کے چودھری چرن سنگھ یونیورسٹی کے کانووکیشن میں شرکت کرنے پہنچے نائب وزیر اعلی نے میڈیا سے بات کرتے ہوئے کہا کہ صوبے میں تعلیمی نظام کو بہتر بنانے کے لئے نصاب میں تبدیلی کی جا رہی ہے۔ خاص طور پر کورونا کی وجہ سے اس سال امتحانات میں بھی 30 فی صد کورس کو کم کیا گیا۔ اسی کے مطابق امتحانات بھی کرائےجائیں گے۔ ساتھ ہی ریاست اترپردیش کے مختلف اضلاع میں نجی اور سرکاری یونیورسٹیز کا قیام بھی عمل میں لایا جا رہا ہے تاکہ تعلیمی نظام بہتر ہونے کے ساتھ ہی طلبہ کو اعلی تعلیم کے لیے مشکل نہ پیش آئے۔
