ڈپٹی سپرنٹنڈنٹ آف پولیس نے بتایا کہ برہج قصبے کے پٹیل نگر میں جنم اشٹمی کے موقع پر ڈی جے کے گانے پر رات میں ڈانس کررہے تھے۔ ڈی جے بجانے پر کچھ لوگوں نے مخالفت کی اور معمولی کہا سنی کے بعد نوبت مار پیٹ تک پہنچ گئی۔
بات بڑھنے پر کچھ لوگوں نے پٹیل نگر باشندہ سمت جائسوال (24) کا گھر میں گھس کر قتل کردیا۔ جب کہ اسے بچانے آئے والد منو جائسوال اور اس کے چھوٹے بھائی کو پیٹ پیٹ کر زخمی کردیا۔ دونوں کو نازک حالت میں ہسپتال میں داخل کرایا گیا ہے۔
پولیس نے قتل کا مقدمہ درج کر کے کچھ لوگوں کو حراست میں لیا ہے۔ معاملے کی جانچ چل رہی ہے۔ تنازعہ کے بعد کچھ لوگوں کی جانب سے ایک مخصوص طبقے کے خلاف شرانگیزری کی سازش کی اطلاع ملنے پر ضلع مجسٹریٹ امت کشور اور سپرنٹنڈنٹ آف پولیس شری پتی مشرا موقع پر پہنچ گئے۔کسی ناگفتہ بہ حالت سے نپٹنے کے لئے بڑی تعداد میں سیکورٹی اہلکار کو تعینات کیا گیا ہے۔
