میڈیکل کالج کے کنٹریکٹ ملازمین نے اپنی اجرت اور کام کے اوقات Wages and Working Hours سے متعلق پریشانیوں کو لیکر مرکزی وزیر کے سامنے اپنے مطالبات رکھے۔
میرٹھ میں کنٹریکٹ ملازمین نے سمرتی ایرانی کا گھیراو کیا
لالا لاجپت رائے میڈیکل کالج میں کورونا کی تیسری لہر کے خطرے کو دیکھتے ہوئے کیمپس میں بچوں کے لیے بنائے گئے پیکو وارڈ کے افتتاح کے لیےمیرٹھ میں میڈیکل کالج پہنچی مرکزی وزیر سمرتی ایرانی نے کیمپس میں کنٹراکٹ ملازمین کی ہڑتال Strike of Contract Employees کے پیش نظر آڈیٹوریم میں منعقدہ پروگرام کو منسوخ کردیا۔ انہوں نے مظاہرین کو یقین دلایا کہ وہ پرنسپل سے بات کرکے ان کے مسائل حل کرنے کی کوشش کریں گی تاہم افتتاحی تقریب کے دوران کنٹریکٹ ملازمین کی مداخلت سے ناراض ہوکر سمرتی ایرانی فوراً روانہ ہو گئیں۔
مرکزی وزیر کے دورے کے دوران اس ہنگامے کے بعد میڈیکل کالج کے پرنسپل اپنی صفائی پیش کرتے نظر آئے۔
