اتر پردیش کانگریس کمیٹی کے صدر اجے کمار للو کو جمعرات کے روز بارہ بنکی میں اس وقت حراست میں لیا گیا جب وہ ایودھیا میں کسانوں سے ملنے جارہے تھے۔
بارہ بنکی: اجے کمار للو کو ایودھیا جانے سے روکا گیا
پچھلے چھ مہینوں میں یہ 25 واں موقع ہے جب عوامی کام کے لیے جاتے ہوئے ریاستی حکومت نے للو کو روکا ہے۔ چاہے اعظم گڑھ میں مقتول دلت سرپنچ ہو یا اس طرح کے دیگر مقامات پر جانے سے انہیں روکا گیا ہو۔
انہوں نے نامہ نگاروں کو بتایا 'ہم ریاستی حکومت کے خلاف اپنی لڑائی جاری رکھیں گے اگرچہ وہ مجھ پر ایک ہزار مقدمات بھی کرتے ہیں۔ ہماری لڑائی غریب، کمزور طبقات کے لیے ہے۔ کانگریس اس طرح کے کاموں سے پیچھے نہیں ہٹے گی'۔
