اُتر پردیش کانگریس کمیٹی کے اقلیتی شعبہ کے چیئرمین شاہنواز عالم نے اپنے بیان میں کہا کہ تیسرے مرحلے میں شراب کی دکان کھولنا یوگی جی کا بالکل غلط فیصلہ ہے۔
ریاست میں ابھی بھی غریبوں کو ضرورت کی چیزوں کے لئے لیے اجازت نہیں ملی۔ مزدوروں کو بھروسہ دلایا گیا کہ آپ کے لئے کام جلد شروع ہوگا لیکن سیمنٹ، سریہ، ہارڈویئر کی دکانیں ابھی بھی بند ہیں۔
عالم نے یوگی آدتیہ ناتھ پر سخت تنقید کرتے ہوئے کہا کہ آپ ایک مذہبی انسان ہیں اور بھگوا بھی پہنتے ہیں، ایسے میں شراب کی دکان کھلوانا آپ کے لیے اتنا اہم کیوں ہے؟ لاک ڈاؤن کے سبب عوام بھکمری کے دہانے پر ہے۔
روٹی، کھانا، اناج میں آپ کی انتظامیہ فیل ہو گئی ہے، لیکن شراب مافیا کے دباؤ میں آکر شراب کی دکانیں کھلوانے کا فیصلہ جو بالکل غلط ہے۔
شاہنواز عالم نے کہا کہ یہ جانچ کا موضوع ہے کہ "یوگی آدتیہ ناتھ اور شراب مافیا کیا تعلق ہے؟ اس ایمرجنسی میں شراب کی دوکانیں کھلوانے کا اعلان کیوں کرنا پڑا؟
