ریاست اتر پردیش کے بارہ بنکی میں دوشنبہ کو کانگریس پارٹی نے پیٹرول، ڈیزل اور کچن گیس کی قیمتوں میں مسلسل ہو رہے اضافے کے خلاف کانگریس کارکنان نے احتجاج کیا. اور صدر جمہوریہ کو مخاطب میمورنڈم سونپا. کانگریس کارکنان کا الزام ہے کہ مرکزی حکومت عوام کا درد نہیں سمجھ رہی ہے اور وہ مسلسل پیٹرول، ڈیزل اور کچن گیس کی قیمتوں میں اضافہ کرتی جا رہی ہے.
پیٹرول، ڈیزل اور کچن گیس کی قیمتوں میں مسلسل اضافے کے خلاف کانگریس کا احتجاج
موقع پر ریاستی کانگریس ترجمان تنج پنیا نے کہا کہ کچن گیس کی اضافی قیمتوں نے گھر کا بجٹ بگاڑ دیا ہے. ملک کا کسان دھان کی فصل اونے پونی قیمتوں پر فروخت کر رہا ہے.
مرکزی حکومت زرعی قوانین لاکر کسانوں کو اپنی ہی زمین پر بندھوا مزدور بنانے پر آمادہ ہے. انہوں نے کہا کہ کانگریس پارٹی عوام اور کسانوں کی لڑائی اس وقت تک لڑتی رہے گی جب تک عوام کو راحت نہیں مل جاتی.
