اترپردیش کانگریس کمیٹی (اقلیتی سیل) نے مہاراشٹر کے سابق وزیراعلی عبدالرحمن انتولے کے یوم پیدائش کے موقع پر کانگریس پارٹی نے ڈاکٹروں کی خدمات کو دیکھتے ہوئے اعزاز سے نوازا۔
سینئر کانگریسی لیڈر نسیم الدین صدیقی نے خطاب کرتے ہوئے کہا کہ 1989 یا اس سے پہلے تک مسلم سماج کانگریس کے ساتھ تھا لیکن کچھ وجوہات کی بنا پر دور ہوتا گیا جس کا سیدھا فائدہ بھاجپا کو ہوا۔
نسیم الدین صدیقی نے کہا کہ بھاجپا چاہتی ہے کہ سی اے اے، این آر سی، ہجومی تشدد، لو جہاد، طلاق ثلاثہ سے پریشان ہو کر اقلیتی سماج ملک چھوڑ دے لیکن ایسا ہرگز نہیں ہونے والا۔ انہوں نے کہا کہ ان سب کے لیے پرینکا گاندھی اکیلے ہی بھاری ہیں۔
ای ٹی وی بھارت سے بات چیت کے دوران نسیم الدین صدیقی نے کہا کہ کانگریس نے ہمیشہ گنگا جمنا تہذیب کو قائم رکھا۔
تاریخ گواہ ہے کہ جب جب کانگریس کی سرکار رہی ملک کا ہندو مسلم اتحاد برقرار رہا۔ سماج میں بھائی چارہ کا پیغام عام کیا گیا لیکن اب کچھ طاقتیں سماج میں نفرت پھیلا کر ملک کو کمزور کرنے پر آمادہ ہیں۔
مزید پڑھیں:
مالیگاؤں کے لوگوں کے لیے فری جنازہ گاڑی کی سہولت
نسیم الدین صدیقی نے کہا کہ آج مہاراشٹر کے سابق وزیر اعلی عبدالرحمن انتولے کے یوم پیدائش ہے۔ وہ ایک ڈاکٹر تھے اور انہوں نے ملک میں پلس پو لیو مہم کی شروعات کی جس کے چلتے آج ہمارا ملک اس بیماری سے آزاد ہے۔ اس موقع پر کانگریس پارٹی نے ڈاکٹروں کی خدمات کو دیکھتے ہوئے اعزاز سے نوازا۔
سابق کابینی وزیر نسیم الدین نے کہا کہ ہماری پارٹی سماج میں گنگا جمنا تہذیب کو زندہ رکھے گی۔
