اس کے لیے بارہ بنکی میں کانگریس کمیٹی میں تیاریاں زوروں پر ہیں۔ لوگوں کو دہلی لے جانے کے لیے مختلف تقاریب کے ذریعہ ان کی ذہن سازی کی جا رہی ہے۔
جمعہ کو ریلی کے ضلع انچارج تنج پنیا نے ریلی سے متعلق تمام اطلاعات فراہم کی۔
اپنی رہائش پر نامہ نگاروں سے بات چیت کرتے ہوئے تنج پنیا نے بتایا کہ اس ریلی میں مہنگائی اور کاشت کاروں کے مسائل پر خصوصی روشنی ڈالی جائے گی۔
کانگریس کی ریلی کے لیے تیاری زوروں پر
ان کا کہنا ہے کہ مرکز میں زیر اقتدار بی جے پی حکومت کی وجہ سے کسان بہت پریشان ہیں۔
ای ٹی وی بھارت کے نمائندہ کے ذریعہ یہ پوچھے جانے پر کہ کیا ان دو مسائل کے علاوہ ملک کے سماجی مسائل پر بھی ریلی میں گفتگو ہوگی؟
تنج پنیا نے پہلے تو نفی میں جواب دیا تاہم بعد میں انہوں نے کہا کہ یہ فیصلہ بروقت کیا جائےگا۔
