بریلی: اترپردیش کے ضلع بریلی میں اِفکو فیکٹری کی انتظامیہ نے کاشتکار کی موت کے بعد اُس کے کنبہ کو پانچ لاکھ روپیہ نقد بطور معاوضہ اور کنبہ کے ایک فرد کو ملازمت دیے جانے کا اعلان ہے۔ دو دن قبل سنیچر کو احتجاجی دھرنا دینے کے دوران کاشتکار کی موت ہو گئی تھی۔ دلچسپ بات یہ ہے کہ کاشتکار اسی ملازمت کے لیے احتجاجی دھرنا دے رہے ہیں، جب کہ ملازمت موت کے عوض میں ملی ہے۔ Compensation after Farmer Death in Bareilly
یہ بھی پڑھیں:
اس پورے معاملہ میں دلچسپ بات یہ ہے کہ کاشتکار جے سنگھ معاوضے کے طور پر جس ملازمت کا مطالبہ کرنے کے لیے دھرنے پر بیٹھے تھے، وہ اُس دنیائے فانی سے جانے کے بعد ملی ہے۔ غور طلب ہے کہ بریلی میں آنولہ تحصیل میں واقع اِفکو فیکٹری IFCO Factory in Bareilly کے باہر گزشتہ 8 مہینے سے سینکڑوں کاشتکار اپنے تمام مطالبات کے متعلق احتجاجی دھرنا دے رہے ہیں۔ ان کاشتکاروں کا الزام ہے کہ اِفکو فیکٹری انتظامیہ نے فیکٹری کے قیام اور توسیع کے مقصد سے کل 1132 کاشتکاروں سے کاشتکاری کی زمین حاصل کی تھی۔
کاشتکاروں اور فیکٹری انتظامیہ کے مابین یہ معاہدہ ہوا تھا کہ کاشتکاروں کو معاوضے کے ساتھ ساتھ فیکٹری میں ملازمت بھی فراہم کرائی جائے گی۔ اب تک صرف 218 کاشتکاروں کو ہی ملازمت ملی ہے اور باقی کاشتکاروں کو فیکٹری انتظامیہ نے زمین کا معاوضہ تو دیا ہے، لیکن ملازمت دیے جانے میں تاخیر اور وعدہ خلافی شروع کر دی ہے۔ جس کی وجہ سے کاشتکار کافی ناراض ہیں۔
