سہارنپور میں چندھیڑی کی نہر کے پاس چیکنگ کے دوران کار میں سوار بدمعاشوں نے پولیس کی ٹیم پر فائرنگ کردی، جوابی کارروائی کرتے ہوئے پولیس نے بھی بدمعاشوں پر فائرنگ کی، جس میں ایک بدمعاش گولی لگنے سے زخمی ہوگیا۔
بدمعاش پر ضلع کے مختلف تھانوں میں ایک درجن سے زائد مقدمات درج ہیں اور اس پر شاملی ضلع میں 15ہزار روپے کا انعام بھی ہے۔ پولیس نے زخمی بدمعاش کو علاج کے لیے سرکاری ہسپتال میں داخل کرایا ہے، جب کہ اس کے دوسرے ساتھی کو بھی پولیس نے کامبنگ کے دوران گرفتار کرلیا۔
اس سلسلے میں ایس ایس پی ڈاکٹر ایس چننپا نے بتایا کہ گزشتہ دیر رات نانوتہ تھانہ علاقہ میں بدمعاشوں اور پولیس کے درمیان تصادم ہوا جس میں شاملی ضلع سے 15ہزار روپے کا انعامی بدمعاش صابر ساکن تگری رام گڑھ تھانہ نکوڑ گولی لگنے سے زخمی ہوگیا۔
انہوں نے بتایا کہ اس کا دوسرا ساتھی بھی گرفتار ہوگیا ہے، گرفتار کیے گئے بدمعاشوں کے پاس سے ایک طمنچہ، 20کارتوس برآمد ہوئے ہیں۔ زخمی بدمعاش پر مختلف تھانوں میں ایک درجن سے زائد مقدمات درج ہیں۔
