اس افطار میں مفتی شہر بنارس مولانا عبد الباطن نعمانی خاص طور سے مدعو کیے گئے تھے۔ افطار کے بعد چرچ میں باقاعدہ نماز قائم کی گئی۔
مفتی عبدالباطن نے کہا کہ اس افطار سے دنیا میں امن کا بہت اچھا پیغام جائے گا۔
چرچ بشپ میں افطار
چرچ کے پادری نے بتایا کہ گزشتہ بیس برسوں سے یہ افطار کی دعوت دی جارہی ہے اور اس کا مقصد فرقہ وارانہ ہم آہنگی کو فروغ دینا اور امن و سکون کا قیام ہے۔
انہوں نے مزید کہا کہ پوری دنیا میں جس طرح سے مسلمانوں کے خلاف منفی ذہنیت پیدا کی جارہی ہے وہ افسوسناک ہے۔ اس طرح کے پروگرام آپسی بھائی چارے کو فروغ دیں گے اور اس ذہنیت کو ختم کرنے میں کارآمد ثابت ہوں گے۔
