بہرائچ میں کرسمس کا تہوار جو ش خروش سے منایا گیا

اترپردیش کے شہر بہرائچ میں کرسمس کی تقاریب مذہبی روایت کے ساتھ پورے جوش و خروش سے منائی گئیں اور اس موقع پر مسیح برادری کی جانب سے خصوصی دعاؤں کا نظم بھی کیا گیا۔

شہر بہرائچ میں عیسائی مذہب سے تعلق رکھنے والے افراد نے بلا تفریق مذہب ایک دوسرے کو کرسمس کی مبارکباد پیش کی اور اس موقع پر لوگوں نے کرسمس ٹری کو بھی سجایا۔

شہر کے جیل روڈ پر واقع میتھوڈسٹ چرچ کرسمس کے موقع پر عوام کی توجہ کا مرکز بنارہا کیونکہ پورے چرچ کو روشنیوں سے سجایا گیا ہے اور پورے علاقے کی رونق میں چار چاند لگاتا نظر آرہا تھا۔

شہر بھر میں کرسمس تہوار کے پیش نظر پولیس کے وسیع تر انتظامات کیے گئے اور اسی دوران کرسمس کی تقاریب جوش وخروش کے ساتھ منائی گئیں۔

اس موقع پر مسیحی طبقہ سے تعلق رکھنے والے سیکڑوں افراد نے خصوصی اجتماعی دعا کا اہتمام کیا اور ملک کے لیے امن و سلامتی کی دعا مانگی۔