جونپور: وزیرِ اعلیٰ یوگی آدتیہ ناتھ کی آمد کل

اترپردیش کے ضلع جونپور میں ملہنی اسمبلی کے ضمنی انتخاب کے پیشِ نظر کل دوپہر کے وقت ریاست کے وزیرِ اعلیٰ یوگی آدتیہ ناتھ کی آمد ہو رہی ہے۔ اس دوران انتظامیہ پوری طرح تیاریوں میں مصروف ہے۔

ریاست اترپردیش کے وزیرِ اعلیٰ یوگی آدتیہ ناتھ کی آمد کل ہونے والی ہے۔ انتظامیہ نے وزیر اعلیٰ کے آمد کی تیاریاں شروع کر دی ہے۔ وزیر اعلیٰ کل دوپہر 12 بج کر 20 منٹ پر جونپور کے ملہنی اسمبلی حلقہ کے کلہنا مئو میں واقع سنبیم اسکول میں آئیں گے اور تقریباً ایک گھنٹہ تک جونپور میں قیام کریں گے اور اجتماع سے خطاب کریں گے۔

سماج وادی پارٹی کے طاقتور رہنما پارس ناتھ یادو کی موت کے بعد ملہنی اسمبلی کی سیٹ خالی ہو گئی تھی جس پر ضمنی انتخاب ہونے والا ہے۔ اس ضمنی انتخاب کے پیش نظر وزیر اعلیٰ جونپور آکر کارکنان کو جوش بھرنے کا کام کریں گے۔