پرتاپ گڑھ: اترپردیش میں پرتاپ گڑھ ضلع کے تھانہ کندھئی پولیس نے علاقے کے ایک گاوں میں دلت نابالغ کے ساتھ جنسی زیادتی کے معاملے میں ایک ملزم کے خلاف کاروائی کرتے ہوئے 376 تعزیرات ہند اور ایس سی، ایس ٹی ایکٹ کے تحت کیس درج کرکے ملزم کو گرفتار کرلیا ۔
اس تعلق سے پولیس سپرنٹنڈنٹ دفتر سے جاری پریس ریلیز کے مطابق گزشتہ اتوار کی شب ایک 17 سالہ دلت لڑکی گھر میں تنہا سو رہی تھی جبکہ اس کی والدہ رشتہ داری میں گئی تھی ۔
اس دوران پڑوس کا چندرکیش ورما چھت کے راستہ اس کے گھر میں داخل ہوگیا اور متاثرہ کا منہ دبا کر اس کے ساتھ جنسی زیادتی کی۔ لڑکی کے شور غل مچانے پر لوگوں نے بھاگتے ہوئے چندرکیش کو پکڑ لیا ۔
پیر کی صبح اس کی والدہ رشتہ داری سے واپس آئی تو متاثرہ بیٹی کو لے تھانہ کندھئی گئی جہاں پولیس نے لڑکی کی شکایت پر ملزم چندرکیش کے خلاف سنگین دفعات میں کیس درج کرکے جیل بھیج دیا ۔
