ریاست اترپردیش کے مغربی شہر میرٹھ میں کورونا انفیکشن کے بڑھتے معاملوں کے ساتھ نجی ہسپتالز کی لاپروائی کورونا مریضوں کے لیے جان لیوا ثابت ہورہی ہے۔
اسی ضمن میں ایک تازہ معاملہ میرٹھ کے ہسپتال کا ہے، جہاں گزشتہ چار دنوں میں کورونا انفیکشن کے علاوہ دیگر بیماریوں سے متاثر کئی مریضوں کو ہسپتال انتظامیہ کی لاپروائی کی وجہ سے اپنی جان گوانی پڑی۔
اسی طرح مغربی اترپردیش کے دوسرے اضلاع کے ساتھ میرٹھ میں بھی كورونا کے مریضوں کی تعداد میں اضافہ ہورہا ہے، لیکن اس سب کے درمیان کچھ ہسپتالز کی شکایتیں بھی سامنے آ رہی ہیں۔
ایسا ہی ایک معاملہ میرٹھ کے ہسپتال کا سامنے آیا ہے، جس میں شروعاتی جانچ میں یہ بات سامنے آئی ہے کہ ہسپتال میں زیرعلاج مریضوں کو وقت پر میڈیکل ریفر نہیں کیا گیا جس وجہ سے ان کو اپنی جان گنوانی پڑی۔
اس معاملے میں ہسپتال انتظامیہ کی لاپروائی کو سنجیدگی سے لیتے ہوئے ڈی ایم میرٹھ نے خود ایف آئی آر درج کرکے متعلقہ محکمہ کے افسران کو کارروائی کرنے کا حکم دیا ہے۔
میرٹھ میں جس طرح سے كورونا کے مریضوں کی تعداد میں اضافہ ہوا ہے وہیں ہسپتالز کی جانب سے بھی ان کی لاپروائی سامنے آنے سے اب كورونا کے مریضوں کی مشکل اور زیادہ بڑھا دی ہے۔
ضرورت اس بات کی ہے کہ ایسے ہسپتالز کے خلاف سخت کارروائی کی جائے تاکہ كورونا مریضوں کی اموات كو روکا جاسکے۔
