ریاست اتر پردیش کے شہر کانپور میں شہریت ترمیمی ایکٹ کے خلاف جمعہ کے روز ہر زور مظاہرہ کیا گیا۔
وہیں کہا جا رہا ہے کہ جمعہ کی نماز کے بعد مظاہرین نے بابوپورہ عید گاہ گراؤنڈ کے قریب تین پولیس بائک سمیت چار گاڑیاں جلا دی گئی۔
لوگ شہریت ترمیمی ایکٹ اور این آر سی کے خلاف پر زور احتجاج کر رہے ہیں۔
وہیں پولیس اور مظاہرین کے درمیان جھڑپ میں 13 مظاہرین کو گولی لگی ہے اور گولی لگنے کے بعد دو افراد کی حالت تشویشناک بتائی جا رہی ہے۔
پتھراؤ اور فائرنگ سے دو سی او، انسپکٹرز سمیت بارہ سے زائد پولیس اہلکار اور میڈیا افراد زخمی ہوگئے۔ افراتفری کے بعد، شہر قاضی ہیلیٹ اسپتال پہنچے اور زخمیوں کے ساتھ ان کی خیریت دریافت کی۔
اس سلسلے میں شہر قاضی مولانا ریاض احمد حشمتی نے کہا کہ جمہوریت میں احتجاج کرنا ہر ایک کا حق ہے، لیکن ہم تشدد کی مذمت کرتے ہیں۔ زخمی پولیس سے ہماری تعزیت ہے اور ہم لوگوں سے امن کی اپیل کر رہے ہیں۔
