بی ایس پی نے اسٹار کمپینرز کی فہرست چیف الیکٹورل آفیسر کو سونپی

بہوجن سماج پارٹی (بی ایس پی) یوپی اسمبلی ضمنی انتخاب میں بھی اپنی قسمت آزمانے کے لئے تیار ہے۔ پارٹی نے اپنے اسٹار کمپینرز کی فہرست چیف الیکٹورل آفیسر کو سونپی ہے۔ جس میں اسمبلی حلقہ میں 30–30 اسٹار کمپینرز کی فہرست فراہم کی گئی ہے۔

یوپی اسمبلی ضمنی انتخاب میں بی ایس پی پوری طاقت کے ساتھ میدان میں اترنے کے لئے تیار ہے۔ بی ایس پی جو عام طور پر ضمنی انتخابات نہیں لڑتی، انہوں نے دوسری بار انتخابی جنگ میں حصہ لینے کا فیصلہ کیا ہے۔

موجودہ صورتحال کے پیش نظر نچلی سطح پر تنظیم کو فعال کرنے کی ذمہ داری سونپی گئی ہے۔ بی ایس پی نے اسمبلی ضمنی انتخاب کے لئے اپنے انتخابی مہم چلانے والوں کی فہرست چیف الیکٹورل آفیسر کو پیش کردی ہے۔

اہم بات یہ ہے کہ اسمبلی حلقہ میں 30-30 اسٹار کمپینرزکی ایک فہرست چیف الیکٹرول آفیسر کو سونپی ہے۔ بڑے قائدین کے ساتھ ساتھ ریاستی سطح اور مقامی رہنماؤن کو کمپین کرنے کی ذمہ داری پارٹی نے سونپی ہے۔ تاکہ کسی بھی لیڈر کو یہ محسوس نہ ہو کہ اسے بے دخل کردیا گیا ہے۔ ایسا کرکے پارٹی نے کارکنان میں یکجہتی کا پیغام دینے کے لئے بھی کام کیا ہے۔

اسٹارکمپینرز میں پارٹی کے قومی صدر مایاوتی، جنرل سکریٹری ستیش چندر مشرا، مایاوتی کے بھتیجے آکاش آنند کا نام تمام انتخابی حلقوں میں رکھا گیا ہے۔

یہ پارٹی رہنما تمام حلقوں میں انتخابی مہم چلائیں گے، ان کی میٹنگیں ہوں گی۔ اس کے علاوہ ریاستی سطح اور ضلعی سطح کے رہنماؤں کے نام بھی اسٹار کمپینرکی فہرست میں شامل ہے۔

دارالحکومت لکھنؤ سے متصل ضلع اناؤ کے بانگرمؤ اسمبلی حلقہ میں انتخابی مہم کے لئے ان تینوں قومی رہنماؤں کے علاوہ پارٹی کے سینئر قائدین نوشاد علی، ایم ایل سی بھیم راؤ امبیڈکر، اکھلیش امبیڈکر، رام کمار کریل، ونئے کشیپ، رام ناتھ راوت، محمد وسیم، سوشیل کمار، وشال پرتاپ راؤ اور کشن لال گوتم سمیت 30 رہنماؤں کو شامل کیا گیا ہے۔

اسی طرح بہوجن سماج پارٹی نے قومی اسمبلی اور مقامی سطح کے قائدین کو ہر اسمبلی حلقہ میں ہونے والے ضمنی انتخابات کے لئے اسٹار مہم چلانے والوں کی فہرست میں شامل کیا ہے۔

بی ایس پی رہنما میوا لال گوتم نے الیکشن کمیشن کو اسٹار کمپینرز کی فہرست سونپی ہے۔