ریاست اترپردیش کے ضلع امروہہ کے نوگاوا سادات اسمبلی حلقہ میں سابق کابینہ کے وزیر چیتن چوہان کی موت کے بعد ضمنی انتخاب ہونا ہے۔ نوگاوا سادات سے بہوجن سماج پارٹی نے فرقان احمد کو اپنا امیدوار بنایا ہے۔
فرقان احمد علاقے میں عوامی رابطہ کے ساتھ آج امروہہ کی مشہور درگاہ میں اپنی اور پارٹی کی جیت کی مراد کے ساتھ حضرت شریف الدین شاہ ولایت عرف بچھو والے بابا کی مزار شریف پر آئے اور چادر پوشی کی۔
آدھار کارڈ کے اندراج میں تبدیلی، ایک بڑا چیلنج
اس موقع پر فرقان احمد کو درگاہ کے خادموں کے ذریعہ پگڑی پہنا کر اعزاز سے نوازا گیا۔
صحافیوں سے گفتگو کرتے ہوئے فرقان احمد نے کہا کہ انہوں نے ملک میں امن و امان اور سکون کے ساتھ ساتھ کورونا وائرس کے خاتمہ کے لیے بھی دعا کی ہے۔
انہوں نے کہا کہ یہ وہ جگہ ہے جہاں سے کبھی کوئی خالی ہاتھ نہیں جاتا ہے۔ یہاں پر پوری دنیا سے لوگ آتے ہیں اور ان کی ہر مراد پوری ہوتی ہے۔ یہ مزار پوری دنیا میں مشہور ہے اور ہر مذاہب کے لوگ یہاں آتے ہیں۔
