Russia-Ukraine war: یوکرین سے دیوبند پہنچے بھائی بہن

دیوبند کے رہائشی بھائی بہن صدف اور محمد طالب روس اور یوکرین کے درمیان جاری جنگ Russia-Ukraine war کی وجہ سے اتوار کی رات اپنے گھر دیوبند پہنچ گئے۔

سہارنپور: روس، یوکرین کے درمیان جاری جنگ میں یوکرین میں پھنسے دیوبند کے دو سگے بھائی بہن گزشتہ رات بحفاظت اپنے گھر واپس لوٹ آئے Brothers and sisters reached Deoband from Ukraine، جس سے ان کے اہل خانہ میں خوشی کا ماحول ہے۔

اطلاعات کے مطابق سہارنپور شہر کے محلہ کائستھواڑہ کے رہائشی بھائی بہن صدف اور محمد طالب یوکرین کے ازہرود نیشنل یونیورسٹی سے ایم بی بی ایس کی پڑھائی کررہے تھے۔ روس اور یوکرین کے درمیان جاری جنگ کی وجہ سے وہ اتوار کی رات اپنے گھر دیوبند پہنچ گئے۔

طالب نے بتایاکہ روس اور یوکرین کے درمیان جنگ Russia-Ukraine war کو دیکھتے ہوئے انہیں یونیورسٹی کی جانب سے ہنگری کی سرحد پر ڈی پورٹ کر دیا گیا۔ جہاں سے انہیں حکومت ہند کی پرواز کے ذریعے دہلی لایا گیا۔