مشتبہ حالت میں دو لڑکیوں کی لاش برآمد

اناؤ میں ایک جھاڑی سے دو لڑکیوں کی مشتبہ حالت میں لاش برآمد کی گئی ہے، تاہم ابھی تک ان کی شناخت نہیں ہوپائی ہے۔

ریاست اترپردیش کے ضلع اناؤ کے صدر کوتوالی کے دہی چوکی علاقے میں ایک جھاڑی سے دو لڑکیوں کی لاش ملی ہے، مقامی افراد سمت انتظامیہ کی جانب سے بےحد کوششوں کے باجود بھی ابھی تک ان کی شناخت نہیں ہوپائی ہے۔

پولیس نے بتایا کہ لکھنؤ، کانپور شاہراہ پر واقع دہی چوکی میں ایک ڈھابے کے نزدیک کباڑ گودام کے پیچھے جھاڑی میں دو لڑکیوں کی لاشیں پڑی ہوئی ملی ہیں۔

واضح رہے کہ آس پاس کے گاؤں و ہائی وے کنارے لوگوں، فیکٹری مزدوروں سے لاشیں شناخت کرانے کی کوشش کی گئی، لیکن ابھی تک کسی نے اِن کی پہچان نہیں کی ہے۔

پولیس کا دعویٰ ہے کہ یہ لاشیں تقریباً 15دن پرانی ہیں، تاہم دونوں لڑکیوں کی عمر تقریباً 20 سے 22 برس کے درمیان ہے۔

پولیس کو شک ہے کہ ان کا قتل کرکے ان کی لاشیں یہاں پھینک دی گئی ہیں، وہیں ان دونوں کی شناخت کی کوشش کی جاری ہے۔