ریاست اتر پردیش کے ضلع شاملی کے سیلاور گاؤں میں سڑک کے کنارے بلڈ سیمپل کے ٹیوب بڑی مقدار میں ملے ہیں۔ اس معاملے کو لے کر گاؤں میں خوف و ہراس کا ماحول ہے۔
اسی کے ساتھ ہی پولیس نے اس پورے معاملے کی تفتیش شروع کردی ہے۔
دراصل تھانہ آدرش منڈی کے علاقے سیلاور گاؤں میں ہفتہ کی رات ریلوے اسٹیشن کے قریب سڑک کے کنارے اور نالی میں بلڈ سیمپل کے ٹیوب ملنے سے علاقے میں سنسنی پھیل گئی ہے۔
امکان ظاہر کیا جا رہا ہے کہ یہ نمونے کسی غیر قانونی لیب یا بلڈ بینک کے ہوسکتے ہیں۔
فی الحال محکمہ صحت پورے معاملے کی تحقیقات کر رہی ہے۔
