بھاگلپور کلکٹریٹ کے روبرو احتجاج کر رہے ملازمین نے حکومت کے خلاف نعرے بازی کی۔ ان لوگوں نے حکومت کے سامنے سات مطالبات رکھے ہیں اور دھمکی دی ہے کہ جب تک ان کے مطالبات پورے نہیں کیے جاتے ہڑتال جاری رہے گی۔
ملازمین کا کہنا ہے کہ گزشتہ ایک دہائی سے ڈیجیٹل بہار کو کامیاب بنانے کے لیے اپنا تعاون دیا ہے جبکہ ان کی بحالی، باقاعدہ کمٹیشن کی بنیاد پر کی گئی لیکن ابھی تک مستقل ملازمت کا درجہ نہیں دیا گیا۔
حکومت کی دلیل ہے کہ امتحانات میں کامیاب ہونے والے ملازمین کی تنخواہوں میں اضافہ کیا جائے گا تاہم ملازمین کا کہنا ہے کہ قبل ازیں منعقد ہوئے امتحان میں انہوں نے کامیابی حاصل کی تھی جس کے بعد ہی انہیں نوکری پر رکھا گیا۔ انہوں نے دوبارہ امتحان لینے کی مذمت کی۔
بہار میں اس طرح کے ہزاروں ملازمین کو کنٹراکٹ کی اساس پر ملازمت دی گئی تھی تاکہ سرکاری منصوبوں پر آسانی سے عمل آوری ہوسکے۔ بھاگلپور میں تقریبا 700 ملازمین کو کنٹراکٹ کی اساس پر ملازمت دی گئی تھی۔ اب ان ملازمین نے حکومت سے مستقل کرنے اور تنخواہوں میں اضافہ کرنے کا مطالبہ کرتے ہوئے ہڑتال پر ہیں۔
