کانگریس پارٹی کی عبوری صدر سونیا گاندھی نے رام پور کی سابق ممبر پارلیمان بیگم نور بانو کو پارٹی کی جنرل سکریٹری پرینکا گاندھی کی مشیر مقرر کیا ہے۔
جس کے بعد پارٹی کارکنان اور عہدیداروں نے سونیا گاندھی کا شکریہ ادا کیا، ساتھ ہی بیگم نور بانو کو مبارکباد بھی پیش کی۔
کانگریس کے جنرل سکریٹری کے سی وینوگوپال نے سابق ممبر پارلیمنٹ بیگم نوربانو کو کانگریس کے جنرل سکریٹری پریانکا گاندھی کا مشاورتی رکن بنانے کے بارے میں معلومات دیں۔
آپ کو بتادیں کہ دو روز قبل انہیں اتر پردیش میں الیکشن پروگرام عمل آوری کمیٹی کا ممبر بھی بنایا گیا تھا، سابق رکن اسمبلی بیگم نور بانو اس سے قبل بھی کانگریس ورکنگ کمیٹی کی ممبر تھیں۔ وہ رام پور سے دو بار لوک سبھا ممبر منتخب ہوئیں جبکہ ان کے شوہر مکی میاں پانچ بار رکن پارلیمان رہ چکے ہیں۔
