بریلی: بی جے پی ترجمان نوپور شرما کے متنازعہ بیان کے خلاف بریلی کے اسلامیہ گراؤنڈ میں ایک جلسہ عام کا اہتمام کیا گیا۔ اس میں اتحاد ملت کونسل (آئی ایم سی) کے سربراہ مولانا توقیر رضا نے وزیر اعظم نریندر مودی کو تنقید کا نشانہ بناتے ہوئے کہا کہ حاکم بننے کا شوق ہے تو ہم بتاتے ہیں کہ کیسے بنتے ہیں۔ آؤ نریندر مودی کلمہ پڑھو، ہم تمہیں بھی سر پر بٹھا لیں گے۔ ہم اللہ کے سوا کسی سے نہیں ڈرتے۔ ہم اس حکومت کو کوئی میمورنڈم نہیں دیں گے۔ اس موقع پر انہوں نے نوپور شرما کی گرفتاری کا مطالبہ بھی کیا۔ Maulana Tauqeer Raza Slams PM Modi
انہوں نے کہا کہ میں تمام ہندو بھائیوں سے کہنا چاہتا ہوں کہ اگر آپ نجات کا راستہ چاہتے ہیں تو آپ کو وہ راستہ تلاش کرنا ہوگا۔ میں ایک مثال دوں گا، یہ دنیا شہد سے بھرے پیالے کی مانند ہے۔ ہم چیونٹیاں ہیں جو چیونٹیاں لالچی ہو جاتی ہیں اور زیادہ سے زیادہ حاصل کرنے کی لالچ میں آتی ہیں، وہ اسی شہد میں ڈوب کر مر جاتی ہیں۔ اس دنیا میں حساب دینا ہے، خیال رکھنا۔Maulana Tauqeer Raza Slams PM Modi
وہیں، انہوں نے اتر پردیش کے وزیر اعلی یوگی آدتیہ ناتھ کی تعریف کی۔ انہوں نے اتر پردیش میں کئی واقعات کا ذکر کرتے ہوئے کہا کہ یوگی حکومت نے منصفانہ کام کرتے ہوئے کئی واقعات کے قصورواروں کے خلاف سخت کارروائی کی۔ IMC chief Maulana Tauqeer Raza Praises CM Yogi
یہ بھی پڑھیں:
انہوں نے اگنی پتھ اسکیم کو بھی نشانہ بناتے ہوئے کہا کہ جب نام ایسا رکھا گیا تو آگ تو لگنی ہی تھی۔ پی ایم مودی نے ہمارے ملک کے نوجوانوں کے مستقبل کو خراب کرنے کا ٹھیکہ لیا ہے۔ انہوں نے کہا کہ میں اس اسکیم کی مخالفت کرنے والے نوجوانوں کی حمایت کرتا ہوں۔ اس سکیم کو فوری واپس لیا جائے۔ انہوں نے کہا کہ نریندر مودی اگر تالیاں بجانا چاہتے ہیں تو میرا ہاتھ ہے، وہ اپنا ہاتھ بڑھائیں، دونوں مل کر ایک ساتھ تالیاں بجاتے ہیں۔ ہمیں اتر پردیش حکومت سے کوئی مسئلہ نہیں ہے۔ IMC chief Maulana Tauqeer Raza Praises CM Yogi
