ریاست اتر پردیش کے بارہ بنکی میں سابق وزیر اعظم اور بھارت رتن آنجہانی اٹل بہاری واجپائی کی برسی کے موقع پر بھارتیہ جنتا پارٹی کی جانب سے کرائے جانے والے کسان اجلاس کو کامیاب بنانے کے لئے حکومت کمربستہ ہو گئی ہے۔ اسی کے پیش نظر بدھ کو بارہ بنکی کے ریاستی وزیر انچارج دارہ سنگھ چوہان نے پارٹی کارکنان اور ضلع انتظامیہ کے افسران کے ساتھ میٹنگ کی اور انہیں کسان اجلاس کو کامیاب بنانے کے لئے ہدایات دیں۔
ریاستی وزیر جنگلات اور ضلع کے انچارج وزیر دارہ سنگھ چوہان نے پہلے ضلع دفتر میں بی جے پی کارکنان کے ساتھ میٹنگ کی اور انہیں ضروری ہدایات دیں. اس کے بعد انہوں نے پی ڈبلو ڈی کے گیسٹ ہاؤس میں پارٹی کے چنندہ عہدےداران اور ضلع کے افسران کے ساتھ میٹنگ کی۔
میٹنگ کے بعد نامہ نگاروں سے گفتگو کرتے ہوئے دارہ سنگھ چوہان نے کہا کہ 25 دسمبر کو ہونے والے کسان اجلاس کو کامیاب بنانے کے لئے حکومت اور توازن بنا رہے اس کے لئے ضروری ہدایات فراہم کی گئیں ہیں۔ اس موقع پر انہوں نے کہا کہ 25 دسمبر کو جب وزیراعظم نریندر مودی ملک کے عوام سے خطاب کریں گے اس وقت نئے زرعی قوانین کو لیکر پھیلائی جا رہی تمام غلط فہمیاں دودھ کا دودھ اور پانی کا پانی کی طرح واضح ہو جائیں گی۔
