بارہ بنکی: اترپردیش کے بارہ بنکی شہر میں دھنوکھر چوراہا اور سٹی بازار کے درمیان واقع قدیم گھنٹا گھر خستہ حالی کی وجہ اپنی پہچان اور اہمیت کھوتا جا رہا ہے۔ وقتا فوقتا انتظامیہ اور نگر پالکا کی جانب سے گھنٹا گھر کی مرمت کرائی جاتی رہی ہے، لیکن ایک مناسب اور متعین بجٹ نہ ہونے کی وجہ سے گھنٹا گھر خستہ حال ہو گیا ہے۔ Barabanki Ghanta Ghar Will Be Renovated With The Help of People
اس کی فکر کچھ سماجی تنظیموں اور تاجر تنظیموں نے کی ہے اور گھنٹا گھر کی نو تعمیر عوامی تعاون سے کرانے کا فیصلہ کیا۔ اس کے لئے عوام بھی تعاون دے سکتے ہیں۔ عوامی تعاون سے گھنٹا گھر کی تمام ٹوٹ پھوٹ کی مرمت، رنگ روغن اور گھنٹہ گھر کو بجانے کا انتظام کیا جائے گا۔ یہی نہیں انتظامیہ سے تعاون لے کر گھنٹا گھر کے قرب و جوار سے تجاوزات کو بھی ہٹایا جائے گا تاکہ اس کی خوبصورتی پہلے کے مانند کی جا سکے۔
