بارہ بنکی: ضلع مجسٹریٹ نے زیرتعمیرچوراہوں کا معائنہ کیا

ریاست اترپردیش کے بارہ بنکی شہر کو خوبصورت بنانے اور ٹریفک نظام کو درست کرنے کے مقصد سے شہر کے تمام چوراہوں کو خوبصورت بنانے کا کام جاری ہے لمبے وقفے سے یہ کام مکمل نہیں ہو پا رہا ہے۔ اب اس کام کو مکمل کرانے کے لئے ضلع انتظامیہ مستعد ہو گیا ہے۔

ضلع مجسٹریٹ تمام ذمہدار متعلقہ افسران کے ساتھ دیوی روڈ واقع سیول لائینس چوراہے پہونچےاورانہوں نے تعمیری کاموں کا جائزہ لیا اور تمام متعلقہ افسران کو ضروری ہدایات دی۔

اس کے بعد وہ اپنے عملے کے ساتھ سترکھ ناکہ چوراہا پہونچے اور یہاں کے تعمیری کام میں تاخیر ہونے کی وجہ سے ضلع مجسٹریٹ مطمئن نظر نہیں آئے۔ انہوں نے متعلقہ افسران کو ہدایت دی کی وہ کام میں تیزی لاکر جلد از جلد کام کو مکمل کروائیں۔

اس کے بعد ضلع مجسٹریٹ پلہری چوراہے کا بھی معائنہ کیا۔ اس موقع پر ضلع مجسٹریٹ نے بتایا کہ چوراہوں کو درست کر کے شہر کو خوبصورت بنانے کا کام کیا جا رہا ہے۔ اس سے ٹریفک نظام بھی درست ہوگا۔