ہم تمام طبقات کی لڑائی لڑ رہے ہیں: اجئے کمار للو

جس وقت ملک تمام سماجی مسائل کو لیکر ایک بڑا طبقہ تشویش میں ہے ایسے میں کانگریس کی کسان جن جاگرن مہم کے وقت پر سوال اٹھنے شروع ہوگئے ہیں۔

کانگریس اپنی اس مہم کو شروع کا اصل اور مناسب مقصد بھی نہیں بتا پا رہی ہے، ایسے میں جب کانگریس کے ریاستی صدر اجئے کمار للو سے اس مہم کے لیے منتخب کیے گئے وقت پر سوال کیا گیا تو انہوں دعووں کی بوچھار کر دی۔

بارہ بنکی کے بریٹھی سرئیاں گاؤں میں جب ای ٹی وی بھارت نے اجئے کمار سے سوال کیا کہ کہیں یہ مہم دیگر سماجی مسائل سے دور ہٹنے کی کوشش تو نہیں، اجئے کمار نے سوال کو الزام قرار دیا اور دعوی کیا کہ سماجی مسائل کے خلاف سب سے پہلے کسی نے آواز بلند کی ہے تو وہ کانگریس ہے اور تمام ایوان میں کانگریس پارٹی نے ہی ان مسائل کو اٹھایا ہے۔

اس دوران جب وزارت داخلہ کی جانب سے بدھ کو پارلیمنٹ میں این آر سی پر کی گئی وضاحت پر ان کا ردعمل جاننے کی کوشش کی گئی تو انہوں سوال کا جواب نہیں دیا اور یہ کہہ کر آگے بڑھ گئے کہ آج بات صرف کسان پر ہوگی۔