سماجوادی کارکنان کا کہنا ہے کہ ملک کے وزیر اعظم نریندر مودی کہتے ہیں کہ 'حکومت لوگوں کے لیے عوامی فلاح و بہبود کی پالیسیاں چلا رہی ہے جبکہ اس کے برعکس عوام کو مہنگائی کے سبب قرض کے بوجھ تلے دبایا جارہا ہے۔
ان کا مزید کہنا ہے کہ گھریلو گیس سلینڈر ؤ کی قیمت میں اضافہ کرکے غریب کے منہ سے نوالہ چھیننے کا کام ہورہا ہے پہلے ہی سلینڈر کے داموں میں کئی بار اضافہ کر چکی ہے۔
اس حکومت نے پھر 149 روپے بڑھا کر بنا سبسڈی والے سلینڈر کی قیمت 900 سے زیادہ کر دی ہے جس کی وجہ سے متوسط طبقے اور غریب طبقے کے لوگوں کو سلینڈر لینے میں بہت زیادہ مشکلات کا سامنا کرنا پڑے گا۔
اس تعلق سے سابق رکن اسمبلی کے کے اوجھا کا کہنا ہے کہ حکومت کے کرنی اور کتھنی میں بہت فرق ہے۔ حکومت گھروں میں استعمال ہونے والی روزمرہ کی چیزوں کی قیمت میں مسلسل اضافہ کر رہی ہے اور عوام کی توجہ ہٹانے کرنے کے لیے بھارت-پاکستان کرنا شروع کردیتی ہے۔
