ضلع بہرائچ میں ملک میں نافذ لاک ڈاؤن کی وجہ سے 21 ویں رمضان کے جلوس کے ساتھ ساتھ تمام پروگراموں کو منسوخ کردیا گیا ہے۔
شہر کی انجمن فنافی الحسین کی جانب سے ہر سال 19 رمضان تا 12 رمضان کو شہر میں مختلف پروگرام کا انعقاد کیا جاتا ہے اور جلوس بھی نکالا جاتا تھا۔
انجمن کے سکریٹری سید اظہار حسین زیدی اس حوالے سے بتایا کہ شہر میں ہونے والے 19 ویں اور 21 ویں رمضان کے جلوس کو ملک میں پھیلے کورونا وائرس کی وجہ سے چل رہے لاک ڈاؤن کے پیش نظر منسوخ کردیا گیا ہے۔
انہوں نے کہا کہ یہ فیصلہ کورونا وائرس کے بڑھتے ہوئے بحران کے سبب لیا گیا ہے، یہ پہلا موقع ہے جب اس بار جلوس نہیں نکالا گیا ہے۔
انہوں نے کہا کہ حکومت ہند کے ہدایت نامے کے مطابق اس وائرس و معاشرتی دوری کے پیش نظر اس برس 19 ویں اور 21 ویں رمضان کو ہونے والے جلوس کو منسوخ کردیا گیا ہے، اس لئے لوگ اپنے گھروں میں حضرت علیؓ کی شہادت کا غم منارہے ہیں، 21 ویں رمضان کا جلوس امسال جامع مسجد سے نہیں نکالا گیا۔
