بہرائچ: فریقین کے درمیان ہوئے تصادم میں 11 افراد زخمی

لاک ڈاؤن کے دوران ضلع بہرائچ میں قانون کی بالادستی کو مسلسل پامال کیا جارہا ہے، پچھلے 2 ماہ میں حملہ، قتل جیسے متعدد گھناؤنے واقعات کو انجام دیا جا رہا ہے، لیکن پولیس کی کارروائی ہر موڑ پر ناکام ہوچکی ہے، یہی وجہ ہے کہ اب بہرائچ میں جرائم پیشہ افراد پر نکیل کسنے کے لئے ان کی فہرست ایک بار پھر تیار کی گئی ہے

اتر پردیش بہرائچ کے تھانہ بونڈی علاقے اولیا پٹی میں زمینی تنازعہ کو لے کر دو فریق کے درمیان تصادم ہوا۔ گھنٹوں تک چلی اس لڑائی میں دونوں طرف کے 11 سے زیادہ افراد زخمی ہوئے، جنہیں علاج کے لئے مقامی اسپتال بھیج دیا گیا جہاں دو کی حالت تشویشناک بتائی جا رہی ہے ۔

بتایا جارہا ہے کہ زمینی معاملہ میں شروع ہوئی گالی گلوج خونی جنگ میں تبدیل ہوگئی۔ اطلاع ملنے کے بعد علاقائی پولیس موقع پر پہنچی اور 2 افراد کو حراست میں لے کر اپنی کاروائی شروع کردی ہے؟