بھارتی ریاست اترپردیش کے ضلع بدایوں میں بھی معاشی دشواریوں کے نتائج سامنے نظر آنے لگے ہیں۔ اس سلسلے میں یہاں عوام کو جہاں ایک جانب مہنگائی کا سامنا ہے وہیں دوسری جانب بینکوں کا نظام بھی درہم برہم نظر آتا ہے۔
بدایوں شہر کے چند اہم علاقوں میں سے ایک اندرا چوک پر موجود آئی سی آئی سی آئی بینک اور اس کا اے ٹی ایم اکثر خراب دیکھا جاتا رہا ہے۔ یہاں اے ٹی ایم پر بہت سے لوگوں کی لائن تو لگتی ہے لیکن رقم کی نکاسی ناممکن عمل ہے۔
بینک انتظامیہ سے شکایت کے بعد بینک کا یہ دعویٰ ہے کہ ہم اسے جلد از جلد صحیح کر لیں گے لیکن نہ جانے کیوں بار بار شکایت اور صحیح کیے جانے کے بعد بھی یہ اے ٹی ایم خراب رہتے ہیں جس سے علاقے میں موجود عوام کافی مشکلات کا سامنا کر رہے ہیں۔
واضح رہے کہ بدایوں کے ضلع ہیڈکوارٹر سے لے کر مختلف علاقوں میں بینکوں کے اے ٹی ایم میں اکثر 'آؤٹ آف سروس' لکھا نظر آتا ہے۔ ان کو کبھی صحیح تو کبھی خراب دیکھا جا سکتا ہے لیکن ان کا مکمل طور پر مسلسل صحیح سے چلنا ناممکن ہو گیا ہے۔
