ریاست اتر پردیش کے ضلع میرٹھ کے پسماندہ علاقوں میں ویکسین لگانے کو لےکر ابھی بھی خوف کا ماحول دیکھا جا رہا ہے۔ اس خوف کو دور کرنے کے لیے محکمہ صحت کی جانب سے مذہبی رہنما اور سماجی تنظیموں کی مدد لی جا رہی ہے تاکہ وہ سماج کے لوگوں کے بیچ جا کر ویکسین کو لےکر پھیلائی جارہی غلط فہمی کو دور کریں تاکہ زیادہ سے زیادہ ویکسینیشن کرایا جائے۔
میرٹھ کے چیف ہیلتھ افسر کا کہنا ہے کہ 'کورونا کسی ذات برادری یا مذہب کو دیکھ کر نہیں ہوتا یہ کسی کو بھی ہو سکتا ہے۔ کورونا کی وجہ سے بہت کچھ کھو چکے لوگوں کو اب کورونا ویکسینیشن کی مہم کو کامیاب بنانا ہوگا تاکہ کورونا کو شکست دی جاسکے۔'
ہیلتھ افسر نے مزید کہا کہ 'دوسری جانب مذہبی اداروں میں کورونا ویکسینیشن کیمپ کے ذریعے عوام کو زیادہ سے زیادہ ویکسینیشن کرانے کے لیے راضی کرایا جارہا ہے۔
کورونا ویکسینیشن مہم کو کامیاب بنانے کے لیے سبھی مذہب و برادری کے لوگوں کو اس مہم میں حصہ لینا ہوگا تبھی ہم اپنے ملک سے کورونا وبا کا خاتمہ کر سکتے ہیں۔
