نوئیڈا: اتر پردیش نوئیڈا کی جیور اسمبلی سیٹ سے ایس پی-آر ایل ڈی اتحاد کے امیدوار اوتار سنگھ بھڈانا نے کل نامزدگی واپس لینے اور الیکشن نہیں لڑنے کا اعلان کیا تھا، جس کے بعد آر ایل ڈی نے دوسرے امیدوار کے نام کا فیصلہ بھی کر لیا تھا لیکن اوتار سنگھ بھڈانا نے ٹویٹ کرکے اعلان کیا کہ وہ اپنے پیاروں کے لیے جیور سیٹ پر پوری طاقت کے ساتھ Avtar Singh Bhadana contest UP polls الیکشن لڑیں گے۔ ان کی کورونا رپورٹ منفی آئی ہے۔
اوتار سنگھ بھڈانہ، جو میرٹھ اور فرید آباد لوک سبھا سیٹوں سے ایم پی رہ چکے ہیں اور فی الحال میرپور اسمبلی سیٹ سے رکن اسمبلی ہیں۔ انہوں نے بی جے پی کے خلاف بغاوت کردی تھی۔ حال ہی میں وہ آر ایل ڈی میں شامل ہوئے ہیں۔
آر ایل ڈی میں شامل ہونے کے سماج وادی آریل ڈی اتحاد اتحاد کی جانب سے جیور اسمبلی سیٹ سے امیدوار بنایا گیا تھا۔ انہوں نے دو روز قبل پرچہ نامزدگی بھی داخل کیا تھا۔ لیکن جمعرات کو اچانک ان کی طرف سے اطلاع آئی کہ وہ کورونا انفیکشن کی وجہ سے الیکشن نہیں لڑ رہے ہیں اور اپنا نام واپس لے لیں گے۔ اس کے بعد سیاسی ماحول گرم ہوگیا اور نئے امیدوار کی تلاش تیزی ہوگئی۔
تاہم اوتار سنگھ بھڈانا نے دیر رات ٹویٹ کیا کہ انہیں کورونا کی ابتدائی علامات ہیں، لیکن آر ٹی پی سی آر کی رپورٹ کے مطابق انہیں کورونا نہیں ہے۔ انہوں نے لکھا کہ میں اپنے پیاروں کے لیے الیکشن لڑوں گا۔ اس ٹویٹ میں انہوں نے اکھلیش یادو اور جینت چودھری کو ٹیگ کیا تھا۔
جمعہ کی صبح گریٹر نوئیڈا کلکٹریٹ پہنچ کر ادھورے کاغذات بھی مکمل کیے۔ اس موقع پر انہوں نے اپنے انداز میں کہاکہ میں جہاں بھی جاتا ہوں انتخاب میں کامیابی ملتی ہے کیونکہ عوام مجھ سے پیار کرتی ہے۔
مزید پڑھیں:
