بیسک ایجوکیشن افسر ایس پی سنگھ نے بدھ کو یہاں بتایا کہ انامکا شکلا جعل سازی کے بعد بیسک ایجوکیشن ڈپارٹمنٹ نے مستعدی بڑھاتے ہوئے لمبے عرصے سے غیر حاضر چل رہے ٹیچروں کی جانچ کرائی تھی۔ جس کے تحت ضلع کے سبھی بلاک ایجوکیشن افسران سے لمبے عرصے سے غیر حاضر ٹیچروں کی رپورٹ طلب کی تھی۔
انہوں نے بتایا کہ بلاک ایجوکیشن افسران کی جانب سے موصول رپورٹ میں غیر حاضر چل رہے ان ٹیچروں کو کئی بار نوٹس ان کے پتے پر جاری کئے گئے لیکن جواب نہیں دیا گیا ہے۔ ساتھ ہی رپورٹ میں پایا گیا کہ 1997 سے اب تک 35ایسے ٹیچر ہیں جو اسکول میں حاضر نہیں ہوئے ہیں۔جس پر سبھی کو آخری نوٹس جاری کیا گیا تھا۔جن میں سے 9ٹیچروں نے اپنی موجودگی درج کرائی ہے۔
سنگھ نے بتایا کہ 9ٹیچروں کے حاضر ہونے کے بعد26 غیر حاضر ٹیچروں کو ملازمت ختم کرنے کا نوٹس جاری کردیا گیا ہے۔اگر یہ ٹیچر دو دنون کے اندر جواب دینے کے لئے دفتر میں حاضر نہیں ہوتے ہیں تو ان کی خدمات ختم کردی جائیں گی۔
