محکمہ محصولات کی ٹیم پر شہ زوروں کا حملہ

گریٹر نوئیڈا کی دادری کے کوٹ گاؤں میں کروڑوں روپے کی سرکاری اراضی سے قبضہ ختم کرنے کی غرض سے پہنچی محکمہ محصولات کی ٹیم پر شہ زوروں نے حملہ کر دیا۔ اطلاع پر پولیس کی بھاری نفری موقع پر پہنچ گئی۔ تاہم اس سے قبل حملہ آور فرار ہوگئے۔

ٹیم اراضی پر قبضہ کرنے کے بعد پودے لگانے کیلئے زمین پر پہنچی تھی۔ تحصیل انتظامیہ کی ٹیم نے ملزمان کے خلاف مقدمہ درج کرایا ہے۔ اسی کے ساتھ ہی پولیس نے ملزمین کی تلاش بھی شروع کردی ہے۔

دادری تحصیلدار راکیش کمار جینت نے بتایا کہ خسرہ نمبر 163 اور کوٹ گاؤں میں 161 کے قریب 16 بیگھا اراضی پر دبنگوں نے قبضہ کر رکھا ہے۔

لیکھپال چندر ویر اور راج ویر شرما کی سربراہی میں محکمہ محصولات کی ٹیم گاؤں پہنچی۔ یہ ٹیم زمین سے تجاویزات ہٹانے کے ساتھ ہی شجرکاری کر رہی تھی۔ اس دوران چار پانچ افراد موقع پر پہنچ گئے اور ہٹانے کی مخالفت کرنا شروع کردی۔

ملازمین کو دھکیل دیا اور مکے مارے۔ ٹیم نے موقع سے فرار ہو کر اپنی جان بچائی۔ اعلیٰ حکام اور کوتوالی پولیس کو واقعے کی اطلاع دی گئی۔

کوتوالی انچارج راجویر سنگھ چوہان پولیس فورس کے ساتھ موقع پر پہنچے، لیکن تب تک ملزمان موقع سے فرار ہو چکے تھے۔